Ciplun: Croeso i Wrecsam

Mae proffil lleol, cenedlaethol a rhyngwladol Clwb Pêl-droed Wrecsam wedi cynyddu’n sylweddol dros y blynyddoedd diwethaf. Mae Dysgu Cymraeg y Gogledd Ddwyrain wedi manteisio ar hyn trwy feithrin partneriaeth â’r clwb, ac mae tiwtor amser llawn yn gweithio yno. Mae’r tiwtor yn darparu gwersi un i un neu mewn grwpiau bach i amrywiaeth o bobl, yn cynnwys chwaraewyr, rheolwyr, staff siop, ymwelwyr a’r perchnogion. Un o brif gryfderau’r ddarpariaeth yw bod y tiwtor yn addasu a theilwra nod y gwersi yn effeithiol iawn i ddiwallu anghenion dysgwyr, er enghraifft trwy ymarfer rhifau, geiriau a chystrawennau perthnasol. Mae’r tiwtor hefyd yn cynorthwyo staff allweddol i ymateb yn hyderus i gwestiynau cyfweliadau gan y cyfryngau. Mae hyn i gyd yn cyfrannu’n llwyddiannus at broffil uchel i’r iaith, a defnydd cynyddol ohoni.

Mynd 'Nôl