Cymorth effeithiol i helpu ysgolion i reoli cyllidebau yng Nghasnewydd

Mae’r tîm cyllid addysg yn gweithio’n ddwys gydag ysgolion i fynd i’r afael â diffyg posibl mewn cyllidebau. Pan mae ysgolion yn gwneud cais am ddiffyg trwyddedig, caiff hyn ond ei awdurdodi os yw swyddogion yn asesu bod y cynllun i adfer y diffyg cysylltiedig yn briodol a chyflawnadwy. I’r ysgolion hyn, mae’r awdurdod lleol yn gofyn i’r corff llywodraethol llawn fynychu sesiwn hyfforddi gyda swyddogion i amlinellu goblygiadau bod mewn diffyg. Mae swyddogion yn cyfarfod yn rheolaidd ag ysgolion i fonitro cynnydd yn erbyn cynlluniau adfer diffyg. Ar ddiwedd y flwyddyn ariannol ddiwethaf, roedd gan bum ysgol ddiffyg, a dim ond un ysgol oedd wedi methu gosod cyllideb gytbwys ar gyfer y flwyddyn ariannol bresennol. Mae’r buddsoddiad yng ngallu’r tîm cyllid addysg a gwaith diwyd swyddogion yn golygu bod hwn yn ddarlun mwy cadarnhaol na’r darlun a oedd yn bodoli ychydig flynyddoedd yn ôl.

Mynd 'Nôl