Gwella presenoldeb yn Ysgol Penweddig
Mae prosesau trylwyr yr ysgol ar gyfer hybu presenoldeb yn gryfder sylweddol. Mae arweinwyr yn dadansoddi amrywiaeth o ddata yn rheolaidd i nodi tueddiadau ym mhresenoldeb blynyddoedd ysgol a grwpiau o ddisgyblion ac yn gwneud cymariaethau defnyddiol. Caiff pwysigrwydd presenoldeb ei rannu’n effeithiol â rhieni. Mae dull graddedig o ymyrraeth cyn gynted ag y bydd presenoldeb disgyblion yn dechrau peri pryder ac mae arweinwyr yn sicrhau bod yr holl staff yn chwarae rôl mewn hybu presenoldeb da. Caiff gwerthusiadau rheolaidd eu cynnal o effeithiolrwydd gwaith yr ysgol i wella presenoldeb disgyblion a chaiff strategaethau eu haddasu, yn ôl yr angen. Mae gwaith yr ysgol yn y maes hwn wedi arwain at welliannau sylweddol.